驚變捉姦片男主角　林盛斌收網友慰問：有心！

日前網上一段捉姦片成為全城熱話，片中捉姦男有指係知名飲食界名人，不過林盛斌（Bob）就被誤會係片中男主角，捲入是次風波。Bob今日（24日）喺社交網分享一張手機截圖，指自己收到網友慰問。該網友話：「得悉此事非常遺憾。」而Bob則回覆：「不是我。」

之後Bob更喺貼文澄清寫到：「我同我太太嘅感情暫時都仲幾好，好多謝呢位網友嘅問候，有心有心。」又Hashtag：「佢應該唔係玩嘢」、「堅以為係我」、「真係想關心我」、「咁都好值得感恩」、「感恩節」。而網民就搞笑話Bob同該位飲食界名人都係光頭造型以及戴眼鏡，的確有幾分相似，難怪會被誤會呀！