楊卓娜客串與女兒被拋落樓 覺得唔夠喉

20221125
東網電視
更多新聞短片
藝人楊卓娜客串演出無綫台慶劇《超能使者》,短短一集已交代她慘遭丈夫「推落火坑」,及後更與女兒齊被拋落樓,最終死於非命﹗其演出一度引起網民熱話,拍攝時她感同身受﹕「當時我情緒好激動,因為自本身都有小朋友。(觀眾讚妳演得好好。)其實每個演員只要投入,都可以做到嘅。我唔係刻意咁去『苦情』,係劇情需要,唔想拖跨劇本。」
她又坦言今次戲份「唔夠喉」﹕「想起伏多啲,俾多啲位我加以發揮囉。今次咁少戲份其實都拍咗好多日,車戲都蝕埋呀,哈哈﹗」她又大讚拍檔吳家樂﹕「戲裡面佢好衰,但現實生活係超級好爸爸,內心戲又處理得好好,擺好多心機落去。」
談到今年有多部劇集推出,楊卓娜自言很喜歡《童時愛上你》內的表現﹕「《童》劇同《超》劇都有講姐妹情,不過後者兩姐妹嘅關係,比較似我同細妹(楊茜堯)。(妳同堯堯嘅相處係點?)以往我哋有感情問題,都會互相傾訴,姐妹係要有實際支持,而唔係吃喝玩樂。」她又坦言未有宗教信仰前,自己遇上問題很容易鑽牛角尖﹕「好多時遇到問題,但搵唔到出路,依家明白遇到嘅唔係難關,只係挑戰,係一種練習與磨練。」對於被封為「最強後母」,楊卓娜答說﹕「係『最強朋友』就真,我都係喺度學習,人生中每個角色都未必完美,只可以盡力而為。(同繼女相處點?)佢見到我唔開心,就會關心我,大家有事直接講出嚟,盡量轉化佢。」