美國天后瑪莉亞卡里感恩節巡遊表演被轟咪嘴

美國天后瑪莉亞卡里（Mariah Carey）昨日（24日）於紐約舉行的《梅西百貨感恩節巡遊》表演，她戴上后冠，撐着紅傘，穿上紅裙獻唱聖誕歌《All I Want For Christmas Is You》，11歲龍鳳胎子女Moroccan與Monroe亦分別穿上紅衫與小仙子套裝伴舞。

不過網友卻批評瑪莉亞明顯咪嘴，有人留言表示：「瑪莉亞卡里咪嘴總係令我頂唔順，因為佢係好明顯，完全唔打算掩飾。」另一人留言表示：「所以瑪莉亞卡里唔再真唱啦？」瑪莉亞懶理批評，於社交網站上載表演照片與短片，留言表示：「感恩節快樂！！！我為美麗嘅仔女Roc同Roe感恩同好自豪，為我歌迷同人生中珍貴時刻感恩。依家就係時候啦！！！」