江嘉敏挑戰飄移 將車比喻壞男人:我駕馭唔到

20221125
東網電視
更多新聞短片
藝人江嘉敏於今年台慶頒獎禮成績表中表現相當不俗,除了憑《食腦喪B》、《回歸光影頌:神奇的燈泡》提名視后外,亦有份提名「最佳女配角」、「最受歡迎電視女角色」等,入行多年的她,就連「飛躍進步女藝員」都獲提名,其中涉及綜藝節目《講你都唔信》。對此,江嘉敏受訪時謂:「年年都有提名,自己都好開心,而提名一年亦比一年多,其實真係要多謝公司比機會我,可以用唔同造型、唔同角色、唔同身份咁見大家,以往提名都係演員身份,但今年突破自己,試吓做主持,都幾過癮。」
而今年《歡樂滿東華》中,她將會挑戰危險性甚高的飄移項目,她笑謂:「我平時係安全駕駛者,今次由錢家班師傅教我,坐佢哋車好好玩,原來真係離心力好強,佢哋示範飄移時,我真係忍唔住嗌。」問是否很困難時,她謂:「其實軚盤同油門控制係好難,起初真係有啲沮喪,我揸咗5分鐘就同師傅講,我駕馭唔到呢個壞男人,真係好難控制,之後等導演再安排時間練習,今次都算係成就解鎖,因為平時自己唔會咁樣玩,我都係一個鍾意刺激嘅人,所以有呢個機會好開心。」