何超欣瞓身學術界出成績　威水登雜誌封面

賭王四房千金何超欣瞓身學術界，努力推動氣候變化關注，果然出力就有成果，最近佢被邀同「亞洲木門大王」千金余晚晚及恆太商業管理集團有限公司董事長胡芳園一齊登雜誌封面，真係年輕有為又才貌兼備。

當中現年32歲嘅余晚晚（Wendy）爸爸係亞洲最大木門製造商「夢天集團」始創人兼董事長余靜淵，媽媽亦係一位成功投資人。Wendy早於2015年就成立投資公司Yu Holdings，2018年被福布斯列入「30歲以下最具影響力的30位傑出領袖」之一。同時佢亦同超欣家姐何超盈甚為老友，成日見面。