姜濤最新傷勢曝光!AK被封劇王:我最多攞飛躍進步獎

20221125
東網電視
更多新聞短片
男團MIRROR、ERROR、P1X3L、姜皓文、談善言、林愷鈴等今(25日)於九龍灣出席《ViuTV2023》節目發布會,MIRROR成員姜濤因腳傷未能現身,MIRROR 11子在會上獻唱《Innerspace》炒熱氣氛!大合照中,MIRROR被安排企在第二行正中位置,而男團ERROR則在第三行正中,不過,由於人太多,ERROR成員肥仔幾乎被掩沒。
ViuTV來年共有7套原創劇推出,當中《大誠實家》會於賀歲檔播映,主角有MIRROR的Alton、ERROR的Dee以及徐㴓喬等,至於另一劇集《那年盛夏我們綻放如花》,在預告片中見到不少血腥畫面,主角則為女團COLLAR成員邱彥筒(Marf)、葛綽瑤(Yoyo)、P1X3L的歐鎮灝以及葉振弘,Marf同另一COLLAR成員Ivy So有到,但不接受訪問。
受訪時,隊長Lokman搞笑說:「好似真係三缺一咁唔齊,打三份冇癮嘛。(姜濤情況點?)可能傷口已經埋緊,但要物理治療。(探過佢?)冇,呢排我哋要準備頒獎禮,以及嚟緊一啲嘅表演,但佢有喺Group Update自己嘅狀況。」
談到Anson Lo、Edan、Ian 及美濤入圍「叱咤五強」,齊齊「圍剿」張敬軒,Anson Lo說:「今年同上年五強一樣,多謝粉絲用力投票,冇諗攞唔攞到。(驚唔驚好似上年宣布男歌手時咁畀人玩?)有心理準備有類似嘅環節,Stay Alert囉。」Ian接口:「入到五強已經好開心,多謝粉絲身體力行,去支持心儀嘅歌手,全賴有聽眾去投票,先有更加多好歌畀大家聽。」Edan:「獎就唔諗嘞,入到五強已開心同榮幸,我仲有好大進步空間,而軒公係好有資歷同犀利嘅前輩,隨緣啦。」Jer則被踢出五強,他坦言:「冇唔開心,一直做歌都係着重音樂啟發人哋,獎項只係Bonus。」
談到「老婆」鄭欣宜同樣入圍「五強」女歌手,Anson Lo說:「每個投票都係大家嘅心水,佢都係我近嚟合作嘅心水。當然我都想佢攞獎,佢今年花咗好多心思,諗咗好多唔同歌嘅種類,除咗長條都有慢歌,真係超級超級努力,佢攞我超級開心。(仲有冇胃痛?)好咗好多,睇過醫生嘞,同埋飲食均衡番少少,冇再唔食嘢,上次可能都關緊張事,所以同自己講放鬆心情,慢啲節奏比較適合自己。」
江熚生(Anson Kong)兩套劇集《打天下2》及《冰上火花》成重點劇集,當被指「劇王」,他說:「嘩,你哋諗清楚先好問喎。有Stanley喺度,佢先係ViuTV視帝,我只係咁啱時間堆埋一齊,唔係公司嘅安排,都烏啄啄嘅!我咪最多攞飛躍進步,已經好開心,一係咩都唔要,淨係要架車啫!」
至於所屬公司大國文化被政府「釘牌」,日後不能再租用紅館,MIRROR異口同聲表示:「隨緣啦,我哋都有睇過呢個報告,然後有啲法律上嘅問題,所以唔可以答住。以後喺邊個場館表演,都要等個報告出晒,法律程序完成咗先,我哋先可以解答到。(咁之前無綫台慶向舞者致敬,幽你哋一默喎。)又唔算,尊重放喺心裏面,唔使成日講,同埋所有工作人員都值得尊重。」