林欣彤分手後仍有聯絡Anton 馮允謙望出年拉埋天窗

2022年11月25日 19:32
東網電視
更多新聞短片
歌手林欣彤(Mag)與馮允謙(Jay)下午出席聖誕商場活動,2人表示多年前曾於同一地方表演,感覺令人懷念。早前宣布與樂隊ONE PROMISE成員馮卓然(Anton)分手的Mag,表示很想試試一個人離開香港過聖誕:「未試過喺其他地方聖誕,以前試過聖誕喺日本拍旅遊節目,但始終係工作感覺冇咁Free。」她笑言自己方向感差,有機會蕩失路,問到是否因分手而想散心?她表示沒有關係:「好多年前已有自己去旅行嘅念頭,但一直未有時間,以前同朋友去旅行,試過大家分開自由活動,仲認識到新朋友添。(一個人去想識下異性?)吓,唔使啦,我比較期待美食同風景多啲,哈哈。」談到前男友早前開騷時爆喊及承認患上抑鬱症,問她可有慰問對方?她表示現仍時有互相問候對方:「佢冇特別同我講,我都有留意佢嘅動向,睇到佢哋演唱會嘅相戥佢開心,希望佢之後無論事業同生活上都可以開心。」
至於Jay就表示媽媽及大哥將於下星期來港:「好耐冇一家人咁齊整,尤其係大哥已經3年冇見,好掛住佢,會抽時間帶佢哋周圍去行街食嘢。」他笑稱哥哥口味較為特別,但都會陪他去找美食:「睇佢食囉,我Keep Fit,哈哈。」他指家人將於聖誕前離港到日本旅遊,已打算負責媽媽的旅費:「阿爸有錢唔請佢。(咁孤寒?儲老婆本?)係呀,希望出年可以結婚。」