原來好有緣 黃翠如想孖周奕瑋去日本旅行

2022年11月26日 11:01
東網電視
更多新聞短片
藝人黃翠如及周奕瑋(Jarvis)近日獲日本護膚品牌誠邀合作開Live,二人熱愛旅遊,所以份外啱傾!Jarvis透露:「見翠如之前飛咗去唔同地方拍《遊走世界天與地》,呢類型嘅節目可以帶大家睇世界嘅另一面,真係好有意義,希望遲啲我都有呢啲機會啦。」翠如更主動向Jarvis伸出「合作之手」:「佢話想同我一齊去日本拍旅遊節目,我當然好歡迎啦,哈哈!翠如真係我『旅神』,係旅遊個旅,因為以前我未做旅遊節目主持嗰陣,好鍾意煲佢同洪永城啲節目,所以如果將來真係有機會幫佢做翻譯及盲公竹就好喇。」
不說不知,翠如當年一個簡單舉動,令Jarvis感激至今:「好耐之前,翠如喺馬來西亞星光薈萃頒獎禮上,講得獎講感言時,竟然將一啲時間用咗喺我身上,鼓勵喺台上做司儀嘅我,
到依家我都一直記住,亦好珍惜呢段回憶。可能只係好微小嘅事,但對我嚟講好有重量、好有溫度,係我好重要嘅演藝回憶之一。」