唔怕嫁唔出　蔣家旻劉穎鏇狂儲錢恨上車

藝人蔣家旻（Angel）與劉穎鏇（Tiffany）為無綫綜藝節目《樓價有得估》錄影，兩人稱仍未置業，還在儲錢階段，Angel大呻：「依家車費又加油費又加，但人工就未加，成件事好唔合比例，通脹快過加人工，使錢好似倒水咁。（係時候要加薪？）個個都想，我今年特別發錢寒，連生日願望都係搵多啲錢，目標係買樓。」她坦言自從做完《45日環遊日本》後，有意在日本買樓投資：「我想買單身公寓再租出去，每個月都有收入，樓價大約幾十萬，喺香港買樓單係首期都要100萬。」

Tiffany聽到Angel的推介也心郁郁表示：「其實都可以喺海外投資，我都想喺美國買樓，但依家美國樓都升緊，我可以向Angel學習買日本樓。」兩人又指雖然日本樓價錢相宜，但要一次過付款也要儲定足夠彈藥，不想置業後令存款歸零，一定要有錢傍身，否則會沒有安全感，她們指買樓只為投資，不是用作姑婆居之用，問她們是否有信心嫁得出？Angel說：「應該係，唔會嫁唔出卦！」