蕭正楠搞「HEA」騷 邀黃翠如上台開金口

20221127
東網電視
更多新聞短片
藝人蕭正楠(Edwin)、區永權(Albert)及伍仲衡(Harry)明年初合作開騷,3人笑言要挑戰MIRROR跳唱,但就嫌騷肌無新意,搞笑指要一反傳統鬥增肥。今年適逢Edwin入行20年,他有意說服從未開過金口的太太黃翠如上台獻唱,包保有驚喜。
蕭正楠、區永權及伍仲衡組成限定男團「HEA」,並將於明年1月6日假灣仔伊館舉行《HEA TOGETHER LIVE 2023》音樂會,3人表示緣分令大家走在一起,並一拍即合開騷,Edwin自認最HEA,最貼合演唱會主題:「佢哋係一絲不苟,有佢哋兩個,我好舒服,有乜甩漏,佢哋都會搞靚件事。」除了以歌會友,問到他們會有甚麼表演環節?Harry說:「我哋會跳吓舞。(跳戰草蜢?)唔係,係挑戰MIRROR,哈哈!」Edwin則想過為開騷而學打鼓。至於會否騷肌,3人都有各種藉口推辭,Harry笑言:「我一舊撼六舊,個個演唱會都騷肌好悶啫!」Albert即提議不如一反傳統鬥肥:「我哋三個嘈肥自己,三個人好珠圓玉潤咁走出嚟。」
Edwin與Albert都是首次舉行音樂會,2人坦言心情激動,希望將來有機會再開Part 2,甚至跳出香港。Harry自言取了兩人的第一次很開心,並透露為今次組合而專登寫了首歌,而適逢今年是Edwin出道20周年,他同時寫了另一首新歌對送對方,誠意十足。
至於嘉賓方面,他們仍在考慮中,Harry大爆:「可能最後嘉賓係Edwin太太(黃翠如),呢個係Plan B。」Albert付和說:「如果係咁,真係好驚喜,我識咗黃翠如20年,從來冇聽過佢唱歌,就算同佢唱K,佢都冇唱。」Edwin笑言有教翠如唱歌,最後教到連自己都放棄唱歌,問到是否有可能邀太太上台?他坦言:「我有一絲諗過,但對佢係好大挑戰,我考慮中,希望佢做我嘉賓。」
服裝:jp:by j Peterman
場地:平治港島品牌中心