側田開騷自揭瘡疤 Swing扮不和再重組掀高潮

2022年11月27日 10:01
東網電視
更多新聞短片
歌手側田一連兩場的《第一秒音樂會Part 2》昨晚(26日)於會展揭開序幕,吸引大批圈中好友包括吳若希、老公及大女、曾比特、方力申(小方)及林盛斌(Bob)等紛紛現身捧場。未開騷前小方引來不少粉絲排隊影合照,受歡迎程度似乎不下「主人翁」側田。
側田甫開場即以《Volar》及《爽》等快歌「熱身」,令全場尖叫。他向台下觀眾表示:「眼腫呀,開騷前一晚喺屋企諗今晚要講啲乜,就不停喊。入行後身邊人對自己嘅態度開始改變,人愈紅,身邊嘅朋友就越假⋯⋯」此時他忍不住落淚:「音樂帶我去咗好多地方,失去咗好多朋友,但又得到好多新朋友,所以又愛又恨!」之後他唱《美麗之最》,心情依然未能平伏,哽咽一度影響音準。
及後側田與鄧建明合唱,透露自己下個目標希望在泰國做Busking與Bar show。他又自揭瘡疤謂:「細個成日畀人欺凌,過去20年自己對好多嘢冇回應而『谷住』,連A1都上埋,擔心親人及家人將啲啲新聞當真,不過好多嘢唔使回應㗎,我對得住自己,如果唔係最終都只係個天收我,我真係無愧。以前搞過我嘅人都消失晒,但我依然做緊音樂,即係我贏!」他又謂過去一個月心情低落:「覺得好hurt,自己已經咁低調,但仍然被搞,但最緊要你哋(指歌迷)仲喺度,我返嚟(舞台)feel到愛,我嘅同事、朋友個個都嚟撐我。」
而剛旅行返港的嘉賓Eric Kwok(郭偉亮),與側田合唱《男人老狗》,緊接由昔日Swing拍檔Jerald接棒,再與側田兩人合唱《山歌》。此時側田提議Swing合體,想不到Jerald突然爆粗:「Shut the fxxk up!係我留戀,人哋已經move on,又做主持、又喺度做代言人、又Iron Man,幾時輪到我?」接着頭也不回衝落台,留下側田一面靦覥,全場死寂,此時音樂再次響起,原來一切只是做戲,Eric與Jerald突然又齊齊登場。相隔8年Swing「再現」,引得全場尖叫。
側田其後再唱《大象席地而坐》,情緒再次激動,眼紅紅拿紙巾抹鼻水。之後大銀幕播出側田與父母在影樓拍照的片段,片尾側田更躺在媽媽大腿上,相當溫馨。完場前側田演繹手本名曲《命硬》,突然邀請台下的Bob上台合唱,成功炒熱全場戲氣!