與Serrini合作新歌大獲好評 王菀之謙虛唔敢認神曲

20221127
東網電視
更多新聞短片
歌手王菀之(Ivana)與Serrini合體開騷之前,為新歌《誅神的黃昏》拍攝MV,MV甫上架,歌迷紛紛留言:「年度之曲!」、「2022年最勁神曲」、「推爆」、「無論曲詞編都非常令人震憾」及「樂壇欠了王菀之一個交代」 。Serrini搞笑表示一直想在泳池游水或花園跑步的MV,不過今次化身為樹精都好好玩。談到這首合作歌,她說 : 「Ivana好勁,咁大氣作品,我第一次聽已經同自己講,我一定寫唔出!聽Demo已經覺得好勁!」
Ivana則說:「MV超出我想像咁靚,裏面我哋演釋兩個精靈,可以話係演禮、樂之神,歌詞想寫人類所做嘅事,已推到自己去到一個崩壞局面。」講到被盛讚為神曲,Ivana謙稱話:「係歌名有個神字,所以過賞啦。不過知道好多人鍾意我都開心,其實寫呢首歌時,我係好似做編織一樣,個腦裏面交織住我哋兩個人歌聲而啟發寫出來。其實我寫完、編咗已經覺得好好,不過當然最後都係交畀馮翰銘(音樂人)再編,令首歌更完美。當然收到歌詞之後好震憾啦,我好珍惜今次合作,希望可以由呢首主題曲,喺12月演唱會裏面,帶樂迷去一個精彩旅程。」
導演Sheng Wong表示能與兩位藝術家合作很開心,他本身就是Ivana歌迷、Serrini的好朋友,一世人都沒想到可以一次過同兩位歌手合作,所以他設計了樹精給Serrini,又覺得「水」狀態很適合Ivana:「佢任何形狀都fit到入去」,所以又設計了這兩個形像給她們:「最遺憾係有一個好靚場景,拍好了之後,因為錄影的記憶卡出事,張卡已寄去歐洲維修,希望可以修復,修復到的話或者再推出個原版。」