郭可盈挨實林文龍慶生甜到漏　完全凍齡睇唔出大了一歲

藝人郭可盈近年淡出幕前，專心相夫教女，今日（27日）53歲生日嘅佢，連日來已預先同家人好友慶祝生日，昨晚（26日）佢率先喺社交網大晒多張慶生合照，見佢同老公林文龍撐枱腳食燭光晚餐，老公仲好識做準備好生日甜品拼盤，並用朱古力寫上「Happy birthday 林太」，合照時仲攬實郭可盈，非常恩愛，而向來係廿四孝媽媽嘅郭可盈當然唔少得晒出同囡囡嘅合照，兩母女一樣攬到實一實，認真冤氣。郭可盈留言表示：「謝謝大家每年送我的生日祝福、慶祝！很窩心！我的生日願望也是人人有份，最緊要健康開心！」雖然佢冇再活躍幕前，但依然保持住最佳狀態，外表完全凍齡，與昔日幾乎零變化！