廚房親密畫面流出　許瑋甯罕晒邱澤合照放閃

台灣女星許瑋甯與男星邱澤去年底宣布婚訊，二人由拍拖到領證，僅僅放閃過1次，連親密合照都只有一張，加上佢哋各有各忙鮮有合體，低調到令人好奇兩人嘅婚姻生活。今次許瑋甯難得分享婚後生活，合照中佢同邱澤都着住白色上衣，企喺廚房料理台準備晚餐，只見佢低頭認真準備食材，邱澤就負責洗嘢，佢仲開心寫道：「合作無間的晚餐準備」文中除tag咗邱澤，仲有另一位女友人，而標住記日期係「22年11月20日」，雖然遲咗成個星期甫相，但依然閃盲網友。之後佢又分享兩張自拍照和風景照，只見她穿著厚重的羽絨外套，對著鏡頭露出燦笑，有網友從街景看出許瑋甯似乎是在日本，還有日本網友留言「歡迎你，玩得開心」。