瘋傳商場舉牌有$130報酬　又關《法證先鋒V》事？

由黃宗澤、蔡潔、蔡思貝、袁偉豪主演嘅《法證先鋒V》正在熱播，日前一眾演員喺商場進行宣傳活動，同觀眾見面。不過，近日有網民就喺討論區以「邊個咁慘要買Fans」出Post，分享一張招聘Freelance圖片，工作內容主負責舉牌、畀反應、支持演出者等，完成工作將有港幣$130報酬。

但工作中嘅日期、地點，碰巧與王敏奕之前喺社交網分享嘅《法證先鋒V》宣傳活動日期、地點相同，令人不禁懷疑《法證先鋒V》疑買粉絲造勢。對此，TVB外事部就事件回應：「近日互聯網上流傳本台以『買粉絲』手法進行節目宣傳，現本台重申，無綫電視舉行之一切宣傳活動從未有、亦毋須以謠傳中的方式造勢，此等行為並非本台的宣傳方式。本台別無補充。」