朱潔儀展出2幅畫作　寄意對未來充滿希望

前港姐朱潔儀今日（28日）出席水墨畫展，現場展出她的2幅畫作，還有任達華與郭富城的作品，朱潔儀表示開心跟眾多藝術家的作品一同展出：「兩位影帝真係臥虎藏龍，作品水平好高，我冇同佢哋合作過，今次可以同佢哋嘅畫作一齊展出，真係好榮幸。」

她稱兩幅作品皆以香港景色為主，其中一幅名為《晨彩》：「因為疫情，我係最近兩個月先約番朋友一齊聚會，大家見面有種好珍惜同和暖感覺，所以幅畫我用咗暖色系，寄意對未來充滿希望，希望疫情早日過去，我花咗3個星期去畫。至於另一幅叫《繁華》係上年嘅作品。」