陳穎欣化身「環保女友」 自言好鍾意回收分類

2022年11月28日 22:01
東網電視
更多新聞短片
前Super Girls成員陳穎欣(Yanny)到觀塘為「綠在區區 全城回收月」拍攝宣傳環保的短片,她化身「環保女友」,以男友視覺去推廣環保生活的訊息。拍攝當日,天氣起初不似預期,期間更下起大雨,不過最後仍能順利拍攝。
對於拍攝環保短片,Yanny自言是朋友圈中的「環保之星」︰「本身自己都重視環保概念,因為我好鍾意回收分類,同鼓勵身邊人去回收,亦經常鼓勵身邊人去做呢件事,或者提醒佢哋啲膠樽要洗乾淨才可以回收,呢個項目搵我參與係非常之合適。」
提到今次以「男友視覺」拍攝,於鏡頭前要展露自己的魅力,她笑言現實中自己不是行「嬌嗲」路線,拍攝時起初有點尷尬︰「有種怕醜又好難為情嘅感覺。片中會講傻豬嚟嘅,因為平時我同另一半相處都唔係咁,所以我係鼓起勇氣去做呢啲行徑。」
此外,Yanny亦會為環保短片唱主題曲,歌詞中更融入rap元素教人做分類和回收,直言首次唱rap的她說︰「上去同監製試唱過,覺得幾好玩,但未真正錄音,大家傾緊點去演繹,因為歌詞有少少風趣,如果好chok 咁唱出嚟,好似唔係好夾,因為片中我嘅表現都好似好sweet咁,所以諗緊做咩方法去演繹呢首歌畀大家聽。」