金蓮花獎︱楊洋參與男神戰 趙露思被鬧越級挑機

2022年11月29日 12:01
東網電視
更多新聞短片
第13屆澳門國際電視節「金蓮花獎」尋日(28日)公布提名名單,當中令人留意到嘅就一定係男女主角之爭,今次男主角就有近年上位男神黃景瑜、楊洋、白敬亭等小鮮肉爭獎,未計演技大家就先Focus到佢哋嘅靚仔樣,有外形又有實力,自然有睇頭。
不過最吸睛嘅就一定要提今次嘅「最佳女主角」提名名單包括劉亦菲、孫儷、白百何、童瑤等,而趙露思憑藉《星漢燦爛》「程少商」一角獲得提名,成為今次最年輕爭獎人之一,即被指佢係越級挑戰,對住位位前輩疑似未夠班。相反人氣高企、圈中地位更出眾嘅趙麗穎同迪麗熱巴都未見影,二人今年同樣有高收視新劇上畫,加上佢哋都貴為金鷹獎最佳女主角,今次冇得提名,都有大批粉絲有微言,但仍無損趙露思人氣,「#趙露思提名金蓮花最佳女主角」話題已有逾1.2億閱讀量。