唔驚得罪天后！張信哲大讚「他」直接打敗王菲

台灣「情歌王子」張信哲與伍思凱相隔18年再度合體，近日二人喺《來看我們的演唱會》首集獻唱《過火》、《愛與愁》，一開口即被歌迷盛讚：「修音師就失業啦！」令唔少歌迷期待明年張信哲「未來式2.0」演唱會會原音重現。

張信哲更唔驚得罪天后，大膽同伍思凱講：「在我心裏面，你直接打敗王菲和那英，我第一個想到邀請你。」伍思凱亦感激咁話：「只要跟你有關的演唱會，直接幫我簽合約就好，就一句話！」可見二人相識20幾年，感情有幾深厚。張信哲又指近幾年演唱會都唔請嘉賓，全因自己嘅歌唱唔完，所以寧願取消嘉賓時間，為歌迷唱多幾首自己嘅歌！