劉愷威情侶手繩搶Fo　李曉峰為愛轉Look試婚紗

藝人劉愷威公開承認同內地40歲女星李曉峰拍拖，早前二人就拖手出巡現身內地機場，高調行徑一改對愛情封口嘅態度。最近佢兩個又被網友發現放閃，事關李曉峰分享咗動態並配文：「短髮女人帥起來」唔再以往日中性風示人嘅佢，仲着上閃石輕薄婚紗，笑容燦爛，加上佢罕有微露事業線，不過都唔夠佢同劉愷威戴嘅情侶手繩搶Fo，令網友一眼就睇到，明顯熱戀度爆燈，李曉峰更為愛郎改變自己，即令本身唔睇好佢嘅網友都轉軚，話估唔到愛情威力咁強勁。