疑返內地密會！菊梓喬一提吳卓羲即愈講愈Hot

歌手菊梓喬（Hana）、馮允謙、蕭正楠、區永權、 伍仲衡，今日（29日）在將軍澳電視城為《勁歌金曲》錄影。日前36歲生日的她，被問到緋聞男友吳卓羲可有表示送禮物？她說：「有講生日快樂，禮物就冇送。（冇詐型？）唔好客氣，其他朋友就送遊戲機同咪。」

講到她早前上載內地一張沙漠相，令外間猜測她返內地與吳卓羲見面，她回應時支吾以對，不斷遊花園，講起阿Ron更愈講愈Hot，相當搞笑：「我返去做嘢，但係去到每個地方好似深圳、杭州都封城，封咗成個月。（見到阿Ron？）好熱、好熱，我就嚟出新歌。唔識答。（同阿Ron一齊去沙漠？）唔係，我去玩車車啫。（佢都有去沙漠？）我唔知呀，好熱呀、出汗喇、甩妝喇，唔係一齊去。」

再三追問可有見面，她繼續避談稱見到不少人，又轉話題指去年犯太歲，希望未來工作順利，近期因內地疫情令工作一直延期，隨後會內地開音樂會及過聖誕。問到又可見阿Ron？她說：「唔會，自己有個心願，希望每個節日都可以工作。」