陳宗澤回味與Winka「同床共枕」　自爆好緊張：成個人硬咗！

歌手陳宗澤（CY）今年連推3首新歌，包括《神經刀》、《罐頭湯》及《滴滴金》，歌藝毋庸置疑，日前他在卡拉OK舉行歌迷見面會，除了分享新歌《滴滴金》MV，與Fans簽名、聊天，更與歌迷一起合唱新歌，有求必應！

司儀問和女圑COLLAR成員Winka拍攝《滴滴金》MV的感覺，他說：「Winka畀我嘅感覺好甜，好有戀愛味，好耐冇感受過，拍攝當日我哋先係第一次見面同傾偈，佢令我覺得我哋拍梗拖。」再問到最回味哪個鏡頭，他笑謂：「喺床上嗰一刻，我哋冇做任何嘢，只係瞓覺，但因為好緊張，我成個人都硬咗。」

首度與歌迷在卡拉OK中聚會，CY表示除了感謝欣賞其歌曲的朋友及歌迷，更指對於新歌在網上平台反應熱烈，感激公司給予他機會及投放不少資源，同時也要多謝幫他做歌的徐浩，CY興奮表示：「公司話會為我籌辦屬於我自己嘅小型演唱會，幾時搞就要睇歌迷嘅支持度啦。」