KB做AK爛賭阿哥最搶戲 最愛鬧爆練美娟

2022年11月30日 10:01
東網電視
更多新聞短片
藝人李健宏(KB)在ViuTV劇集《繩角》中扮演無賴角色可謂入形入格,劇中飾演MIRROR成員Anson Kong(江𤒹生)爛賭哥哥「歐陽正」的他喜感十足,為緊湊的拳擊戲,添上搞笑位。
事隔四年再拍劇,KB指今次角色是從演以來最多對白的一次,相當有挑戰,幸好角色帶一點無賴,笑言很合適他演繹。拍攝過程中,最難忘的演出,莫過於跟練美娟的「爆肚」鬧交戲,他說:「最有趣嘅事就係同到娟姐合作,有一場戲係喺洗衣店,我同娟姐要互相鬧對方,呢一場戲我同娟姐都係爆肚演出,點樣鬧對方係事前完全唔知道,因為太即興關係,所以現場每一位工作人員,都畀我哋嘅對白笑到停唔到。可能我本身都鍾意畀人鬧,所以娟姐鬧我嘅時候,我覺得非常之享受。」
至於與AK合作飾演兩兄弟,KB指之前跟對方合作過《擊戰》而熟落,今次合作拍劇感受到AK的專業:「我哋收到劇本後都有一齊研究點樣去演繹呢段兄弟情,因為兄弟情有好多種,唔一定係要肉肉麻麻,反而係親生兄弟先會唔客氣咁溝通。」
此外,憑《全民造星4》出道的郭彩東(東東),今次亦有客串演出,她表示第一次拍劇,感覺新奇,但拍攝前因踩板受傷,鏡頭後她要用拐杖行走,行動上有少許不便,幸好對拍攝沒有大影響。