出席世界盃活動 C朗迷陳紫萱撐葡萄牙捧杯
20221130
東網電視
更多新聞短片
![](/hk/bkn/cnt/entertainment/20221130/photo/bkn-20221130100331251-1130_00862_001_01p.jpg?20221130120227)
藝人倪安慈(Kathy)、陳紫萱(Summer)及歌手羅思雅(Jessica)出席電台主辦的《世盃狂熱Bili Bar》活動,體驗摸擬足球員訓練設施,分享最愛的球星及大談足球趣事,與觀眾齊齊感受世盃狂熱。
在世盃多隊球隊之中,倪安慈最支持比利時,全因為她最喜愛的球星極符合喜歡的類型條件︰「身邊嘅男同事成日講盧卡古係一位好有實力嘅球員,然後我去了解呢位球員嘅時候,發現佢外表黑黑實實,係我鍾意嘅類型,所以我從此就迷上咗佢。」早前她為拍攝一條關於世盃的MV,首次「加入」世盃,雖不用Show腳法,但都為Show肌作出準備。她又說︰「拍攝MV當日,我嘅服裝係要露腰,我就趁未駛埋位嘅時候呢埋,等無人發現嘅時候偷偷去做Sit up,希望腹肌會更明顯。」
C朗拿度迷陳紫萱,最支持的球隊當然是葡萄牙︰「C朗雖然出名,但依然好自律每朝去訓練,兼且好愛錫球迷,有一顆好善良嘅心。我細個每逢世盃都會同哥哥一人霸一張梳化,熄晒燈通宵睇波。記得有一屆世盃我換緊牙,我呢埋喺梳化度偷偷地剝甩自己隻牙,搞到有個窿又成口血,屋企人仲笑唔係我去踢波但都搞到成口血。而我小時候好鍾意同哥哥一齊踢迷你足球,仲將痰罐放平當籠門,睇吓邊個入球多啲。」活動由電台節目主持范振鋒及張顥霖擔任司儀,活動期間更與一眾靚女大玩足球訓練設施及問答遊戲,考有關世盃的有趣知識,大會更準備了蛋糕,為11月壽星女陳紫萱慶祝生日,讓她感到十分驚喜。