心急歸隊　姜濤再做物理治療面露痛苦

男團MIRROR成員姜濤因右腳腳傷而要撐拐杖兩個月，密密複診望早日康復嘅佢，今早（30日）8點幾就已經去做物理治療，同上次一樣又拍片又着到全黑示人，見佢瞓喺治療床上，右膝蓋至腳眼部分裝上固定支架，並按治療師指示用右腳拉扯橡筋，不過佢完成一組動作後即表情痛苦，狀甚疲累，令粉絲甚為心痛。其實姜濤多次表明想盡快歸隊，心急12子齊人出席頒獎禮及表演唱跳。