奶奶送生日蛋糕　林志玲囝囝學行路賀媽咪牛一

台灣第一名模林志玲2019年下嫁日本組合EXILE成員AKIRA後，今年年初宣布囝囝出世，早前就返咗家鄉台灣開工，原來女神已經飛去日本繼續湊小朋友，尋日（29日）仲係佢48歲生日，開心同大家share收到奶奶專登為佢買嘅生日蛋糕，認真冧爆！

林志玲自爆阿仔終於開始學行路，令佢個生日過得特別開心，佢仲誠心許下生日願望，第1個願望就送畀所有人：「相信大家都和我一樣！祈願著只要家人健康，我們所愛的人和愛著我們的人能夠平安健康～就夫復何求了」第2個願望佢就想永遠追得上寶貝仔嘅活力，認真sweet爆。