Anson Lo親回賣慘搶Fo指控　自爆將推出個人服裝品牌

人氣組合MIRROR成員Anson Lo（盧瀚霆）今日（30日）接受電台訪問宣傳新歌《永順街39號》，他分享日前出席音樂平台香港風雲榜舞台上激動落淚經過：「我唔想因為喊而唱唔到，到一起歌，我望住個天同自己講『唔好唔好』，呂爵安唱第二句開始，我知道自己應該唔得啦，我真係唔好意思，作為表演者應該完成成首歌，但我冇咁樣做到，當刻係好對唔住。嗰一刻我好內疚，你哋咁辛苦買飛入嚟睇，我冇完整地完成表演，我好抱歉。」

Anson Lo又自爆將推出個人服裝品牌，他說1月公布詳情「神徒」可優先購買，並表示：「《男排女將》之前已經想做，但一路太多嘢做緊，我覺得Handle唔到，半年前就諗唔可以再拖，因為我好想做呢樣嘢，我本身好鍾意衫、Fashion，點解唔做啲自己鍾意嘅嘢出嚟呢？不如Create啲自己鍾意嘅衫出嚟呢？又可以說服大家嘅，點解唔咁做呢？得嚟不如自己Make time。」