「大師兄」駱振偉慘死擂台　AK貼觀後照喊到眼腫

ViuTV原創劇《繩角》昨晚（29日）第12集上演「大師兄」駱振偉大戰「亞洲拳王」王智德（Alton）嘅超強戲碼，最終駱振偉於擂台上受重傷，搶救無效，令一班觀眾睇到好傷心，鬧爛編劇「點解要整死大師兄」。

而飾演主角歐陽駿嘅江?生（Anson Kong）亦有睇呢場「最後對決」，更感觸喺社交網貼出「觀後照」，見佢喊到眼腫、臉有淚珠，仲喺貼文寫到：「KingBoxing永遠都有大師兄嘅位置。」大師兄」駱振偉見相後即留言：「閃電俠（AK戲中綽號）你追唔到我㗎啦。你睇？大師兄走得快你幾多。」而網民就留言：「大師兄好唔捨得你呀」、「睇到你嘅回覆我又想喊啦」，睇嚟大家都相當入戲呀！