王賢誌自爆新節目睇過100次以上：想再拍BL劇

藝人王賢誌（Vinci）今日聯同由他監製節目《仔仔一堂》的兩位參與者Ray及Carson到電台接受訪問，Vinci表示節目出街後收到9成都是正面評價及支持：「好開心，大家有留意個節目，因為拍一個真人騷真係好辛苦。（會唔會添食？）真係唔知，好難拍落去，可能要加入新人朋友，我有機會好想再拍其他嘢，例如番外篇、BL劇或者舞台劇都可以，既然我已經牽咗個頭，我之後會做更多。（無綫總經理曾志偉有冇打畀你？）佢冇，但有好多唔同部分嘅人打畀我，有人話睇咗三次，睇到喊，由以前唔係咁鍾意我到依家好佩服我。」問到今次是否出錢出力？他坦言有酬勞，但承認是嘔心瀝血之作，出心出力，每集看了100次以上作改進。

Carson透露節目出街後有日買咖啡被認出，問他會否有意入行？他稱：「唔會抗拒，但我自己有正職，睇吓邊一邊發展好啲，今次拍節目唔會為入行而拍。」至於從事美容業，被稱為「美容界尊龍」的Ray自言雖然不抗拒入行，但想專注在美容業發展。