張敬軒補拍裸跑戲加碼露股罅　驚氣溫驟降凍到縮

張敬軒（軒公）有份主演的電影《超神經械劫案》早前煞科，近日他收到消息需要補戲，今晚他出席活動時透露，與魏浚笙（Jeffrey）和白只要補拍裸跑戲，笑言原本的「事業線」（股罅）露得不夠多：「我無偶包，唔同Jeffrey佢要操多啲，我就要食多啲Supplement 。」他笑言現在要等「大星」Jeffrey操肌，不過為遷就演唱會都要盡快補戲。他又透露裸跑場口要在露天田野拍攝，必須清場，由於近日天氣驟降，講笑驚縮：「縮咗唔好睇，（邊度縮？）肌肉密度縮，不嬲唔sell肌，係sell線條。」他又大爆洪嘉豪戲中尺度最大，為藝術而犧牲：「佢係男版湯唯，對手係我哋。」電影明年一月首映。