朋友圈曝光!鍾欣潼原來同潘瑋柏老婆係閨蜜
20221201
東網電視
更多新聞短片
藝人鍾欣潼(阿嬌)向來人緣甚好,圈中好友多籮籮,除「龍虎豹」蔡卓妍及容祖兒外,賭王千金何超蓮、內地網紅周揚青及台灣歌手張韶涵等都係其好姊妹,朋友圈早已超越地區限制,認真「四海之內皆閨蜜」。近日佢再有鮮為人知嘅朋友圈曝光,原來佢同台灣歌手潘瑋柏老婆、有「內地最美空姐」之稱嘅宣云(Luna)都係好朋友!
宣云於社交網大晒聚會合照,見現場卡士強勁,有阿嬌及好友鄭希怡之餘,連鄧紫棋有米男友Mark及賭王四房兒子何猷君嘅表哥等都在場,其中宣云全程貼住阿嬌,大合照時阿嬌亦手摸宣云面珠,可見佢哋關係非常好。其實阿嬌今年參與內地真人騷《乘風破浪》時,曾獲潘瑋柏親自教授Rap技巧,令2人友好關係曝光,相信宣云亦係透過老公牽線而認識阿嬌。