王菀之結婚7周年　孖老公隔空放閃

歌手王菀之（Ivana）於2015年跟「Figure王」Eric So拉埋天窗，近日是他們的結婚7周年，兩人走過7年之癢，依然甜到漏，並分別在社交網放閃，Ivana說：「又到咗一年一度閃爆大行動。嘩！一半加一半七周年紀念快樂！！」

而Eric So更寫了段小作文：「由細到大，長輩都教我千祈唔好喺白紙上面簽名，而前輩就千叮萬囑叫我睇合約，要每粒字都要了解清楚先好簽，若果唔係賣身都唔掂，所以咁多年嚟，我不時都提醒自己要小心；但喺7年前，冇錯…我估唔到！但簽咗」還@Ivana嘅社交帳號，Ivana都即時回應：「唔簽我就笨！（PS 當我以為你睇緊波原來喺度寫嘢，浪漫得嚟…我估中場休息 ）」網民都話2人閃到得了，又讚他們「勁浪漫超溫馨」。