岑麗香勇敢玩低炒大頭自拍　驚現雙下巴同Pizza面！

索媽岑麗香同老公強強婚後生咗2個兒子，減少咗幕前演出，主力照顧家庭，佢不時都喺社交網分享一家人生活點滴，雖然升呢做咗媽咪，不過佢嘅身材一啲都冇走樣，依然係Keep到爆，令到網民都好羨慕！

佢尋日（30日）大晒3張自拍照，除咗大晒佢嘅靚樣外，仲有扮鬼臉，同埋唔介意醜化自己，大玩低炒大頭自拍，喺呢個角度下影相，真係好難影得靚囉，睇到佢驚現雙下巴同Pizza面，顏值即刻大減，不過網民都唔Mind，大讚佢玩得夠放同有勇氣，仲要用咁嘅角度影相都係好靚女呀！