柳應廷提議新劇收視好魏浚笙騷肌　黃德斌想集齊12個鏡仔合作

黃德斌與柳應廷（Jer)在九龍灣E-Max出席ViuTV新劇《百萬同居計劃》記招。對新劇收視信心，他們皆指新劇是荒謬劇，希望大家看劇可以輕鬆下，希望觀眾能細味劇中的兄弟情、親情及感情。

講到收視好會怎樣報答觀眾？Jer提議由魏浚笙（Jeffery)騷肌，贊好的德斌被問到可會與Jeffery一齊騷肌？他笑言近日很忙沒時間操練，要給他一點時間，但自詡難船也有三斤釘，Jer則笑稱會在旁做啦啦隊。

劇集是《大叔的愛》班底再演出，唯獨欠呂爵安一個，德斌說：「有佢梗係更好玩，但冇辦法佢好多嘢做。」Jer則期待有第三季出現，再有新班底加入更好玩。

德斌近年與MIRROR 不斷合作，相當有緣，他說：「係我嘅幸運，姜濤做過我個仔、呂爵安就演過我愛人，今次同Jer關係非常緊密，Anson Lo又一往情深咁幫我。如果可以集齊12個就好，Stanley (邱士縉）已經係主角，同一年前好唔同，依家以巨星身份出現，我覺得好幸運可以同佢哋一齊玩。」