周星馳滑水獻技求賜教　Baby玩嘢：由內到外再去返內

周星馳自從開咗個人社交平台之後，經常會留言跟好友以及粉絲互動。繼蔡卓妍、張栢芝之後，周星馳於社交平台甫出滑水短片，片中星爺大玩無繩滑水，仲要隨浪做出飛起動作，少啲腰力都搞唔掂，但他綽綽有餘果然犀利。不過，周星馳又點會咁易滿足，仲喺社交平台問：「怎樣可跳高一點，求指教」無幾耐有藝人認頭「賜教」，佢就係Angelababy喇！佢答星爺：「重心應該由內到外再去返內。」明顯玩嘢。周星馳即接：「明白，求示範」。Baby則叫星爺比兩年時間佢練下先！簡單幾句說話，就知原來星爺同Angelababy都幾熟喎！另外，有一位大隻肌肉猛男亦有留意，並留言問：「幾時一齊wakesurf？」誰知星爺亦有回覆：「隨時」。