黃曉明疑與葉珂同居　網民竟最關心有冇換床褥？

內地男星黃曉明今年初宣布與Angelababy離婚，回復單身後火速有新戀情傳出，被指與有「翻版Baby」之稱嘅葉珂打得火熱，不但早前被爆疑孖住現身畫展及朋友飯局，經常出雙入對外，近日葉珂於社交網大晒喺豪宅內拍下嘅影片，片中葉珂正在下廚，但就被發現廚房嘅格局，似足某上海豪宅，正正與黃曉明同Baby當年嘅新婚房位於同一地點，而廚房嘅內部裝修亦與曉明家中非常相似，似乎無意間透露與黃曉明己發展至同居關係。不過唔少網民卻唔多睇好，仲留言嘲諷：「那麼多年了，曉明哥還是這種一言難盡的眼光啊」、「床墊有換過嗎」，但亦有網友指黃曉明已經離婚，再娶都冇問題。