囡囡首上台獻唱 張繼聰等謝安琪答應再夫妻合作

2022年12月02日 11:01
東網電視
更多新聞短片
藝人張繼聰(阿聰)原定個唱於10月在麥花臣場館舉行,臨開騷前確診新冠肺炎,令演唱會押後至昨晚(1日)舉行,太太謝安琪(Kay)帶同一對子女張瞻、張靖捧場,一班圈中好友包括MIRROR 4子李駿傑(Jeremy)、柳應廷(Jer)、呂爵安(Edan)、邱士縉(Stanley)與女友李炘頤、白只、周秀娜、蔡思貝與父母、艾粒等,還有被揭背妻偷食人妻的電台前DJ細So,由英國低調返港首度露面撐場。
阿聰拿着結他,唱出多首中英文歌揭開序幕,事隔7年再開騷的他甫開口與大家打招呼,有觀眾便大叫要他「除衫」,他說:「時代改變,唔好叫我除衫,呢樣新一代好多人會好踴躍做,我除Con得喇!」他認為人生好似一段公路,他分享自己從小就受音樂影響,小時鍾意唱《足球小將》踢波好會受女仔歡迎。他因為好鍾意聽Michael Jackson,中學參加歌唱比賽唱《不願一個人》,都加入MJ的舞步,他隨即在台上耍兩招MJ的太空舞步,全場歡呼。
到2000年,他與白只等在餐廳做駐場歌手,有兩、三年時間,他認為這段日子是對他演出的磿煉。由於他又拍劇又演戲又唱歌,卻令他在每個界別裏面也找不到一份歸屬感,覺得自己是一個「演員扮歌手」。阿聰獻唱《手》送給兒子,此時螢幕播放他們一家四口的溫馨照,阿聰曾表示演唱會沒有嘉賓,他突然走到台邊拖着5歲的女兒張靖出來,原來張靖是演唱會唯一嘉賓。扮成老鼠仔的張靖,獻唱一曲《Somewhere out there》,首次公開獻唱表現淡定,阿聰都拍掌讚。
騷後,問到阿聰送歌給仔女,卻沒有送老婆,他笑說:「我全部嘢都屬於老婆,無嘢係自己。」今次能夠開騷,十分感動,他感謝朋友及樂迷的支持,透露明年或有機會再開騷。至於會否與太太一齊開騷,他亦不排除,持開放態度:「睇老婆頭,佢開幾多我就開幾多,同老婆16、17年無合作過,可以合作,同太太合作我係受寵若驚嘅,好榮幸,絕對開心。」囡囡為是次演出練習了幾個月,但並非鼓勵她做歌手:「個女好鍾意唱歌,佢好享受,但阿仔就無唱歌癮,我百感交集,好甜蜜和覺得不可意議,呢個係好有價值的時刻,佢第一次上台,由我陪佢度過,好珍貴。」