賈靜雯撳都撳唔住　17歲梧桐妹新招趕住大個女

台灣女神賈靜雯嘅17歲大女梧桐妹近來「轉大人」，一改過去青春甜美look，多次晒出展露身材嘅性感自拍，令網友睇到眼都凸埋，不過佢就唔理繼父修杰楷同媽咪賈靜雯反對，繼續網上發功。原來佢最近亦開始學化妝，梧桐妹紮起頭髮，又畫Cat eye誇張眼線，加埋顯眼嘅腮紅，並將成果放上網同網友分享，仲就有網友批評佢妝容太老派，表情又僵硬，仲惡言嗌佢好好練習一下。唔知係咪睇慣媽咪藝人生活，面對網友批評，梧桐妹都冇嬲豬，仲以高EQ回應：「知道啦，謝謝唷～」睇嚟佢都好有做藝人條件，依家咁高調展現人前，唔知係咪為成年後入行做準備呢？