姜糖銅鑼灣拉票遇「姜媽」 即場學投票　姜濤大笑：綁架我媽投票

明年1月1日將假亞博舉行「2022年度叱咤樂壇流行榜頒獎典禮」，入圍5強的「我最喜愛的男歌手」姜濤較早前因接受手術，暫未能出席宣傳活動！日前姜糖們在社交網分享銅鑼灣街市遇上「奶奶」姜濤媽媽，奶奶經過好奇停下來問姜糖們在做甚麼，姜糖們分享當時向奶奶表示：「之後我哋問『奶奶』投咗票未？『奶奶』話未同唔識投，叫我哋教佢，我哋好驚訝，原來姜連自己媽媽都冇拉票！」

姜糖們說：「我哋有問姜濤康復情況點樣，佢話姜濤努力做物理治療中，但做物理治療時都會痛苦，我哋就話會等佢同支持佢，叫『奶奶』轉達，叫姜唔好心急！」而在同一時間姜糖們在百德新街遇上姜爸。姜爸比較怕醜，只是溫柔地問他們：「啲應援係咪好重？」

姜濤在社交網轉發照片並分享：「這有點好笑，綁架我媽投票！哈哈。我都沒有告訴她投票的事。謝謝你們哦！」