郭柏妍跳舞晃動上圍搶Fo 何沛珈唔錫身淋40桶冰
20221203
東網電視
更多新聞短片
![](/hk/bkn/cnt/entertainment/20221203/photo/bkn-20221203223240022-1203_00862_001_01p.jpg?20221203234710)
《歡樂滿東華2022》多個籌款項目中,相信最有睇頭則落3位《香港小姐再競選決賽》的冠亞季軍何沛珈、李芷晴及陳德懿身上。三位「港姐」齊齊穿上bra top襯短褲,在電視台的露台場地吹住寒風,淋住冰粒及浸住雪水演出「凍冰冰」環節,可謂「寒天飲雪水,點滴在心頭」。
隔住螢幕睇見都戥她們凍,而三位靚女表現得更凍,不停打冷震及依嘩大叫,不過揚言為慈善不惜硬住頭皮,咬實牙關她們,不停將冰粒向身上倒,由於個個身材有料到,不少雪粒攝在其bra top,出現「冰鎮事業線」的場面,相當香艷,其中何沛珈表現得最「唔錫身」,一口氣將40桶往身上淋,籌得10萬,而李芷晴及陳德懿分別淋了16及24桶冰,各自籌得5萬,陳德懿更自言似「冰鎮象拔蚌」。而表演跳舞的郭柏妍不斷晃動上圍,勁搶Fo。
芷晴受訪時稱3日前發燒:「啱啱好番,希望唔好番發。」Rachel參選時試過病過2星期,故一早食定感冒藥打底。Roxanne說:「我淨係聽到自己尖叫聲,啲拍檔淋冰水好落力,覺得好似畀人突襲咁。」芷晴倒冰粒期間,搞到心口裝滿冰粒:「發覺點解愈來愈凍,原來心口收埋好多冰。」她們分享保暖方法是之前吃飽一點、飲熱茶和貼暖包,雖然此項目好辛苦,但感覺值得,希望大家落力捐錢。
提到冷天淋冰水,感覺殘忍?Rachel稱初時以為好像冰桶挑戰只淋一次,後來才知道要淋足1分半鐘,笑言感到百感交集。Roxanne亦覺得3個一齊做較好,不覺孤獨:「不過屁股依家仲滴緊水。」