緋聞傳足多年！麥明詩同盛勁為拍拖　蜜遊日本終斷正

十優港姐麥明詩今年7月突然自爆蜜運中，其男友身份一直成謎，惟近日佢被拍得與猛男情侶裝打扮出發到日本北海道旅行，令謎底終於揭盅，原來男友正是傳過緋聞嘅前機師盛勁為！有指佢哋當日背包掛上同款烏龜公仔，又戴住同一款式口罩，上到機後，麥明詩更靠在男方膊頭，小鳥依人勁甜蜜，亳不介意外界目光。其實盛勁為早於前年12月參加無綫節目《衝上雲霄大選》時，已被指係麥明詩緋聞男友，之後甚至一齊去野餐，但雙方一直否認拍拖，不過其社交網最新照片中，見到佢同麥明詩曾一齊出海，似乎戀情早已係半公開關係。