好友唐詩詠黃嘉樂先後離巢　林子善從未動搖：不會離開

藝人林子善昨晚（3日）參與《歡樂滿東華2022》跑步籌款項目，他因為習慣跑均速，故跑快會感到吃力，但為籌款決心要完成項目。提到好兄弟黃嘉樂忽然在社交網宣布離巢，子善祝他前程錦繡：「我冇乜回應，因為經常講錯話。（兄弟離巢會可惜？）唔會，同佢喺公司都冇咩機會合作，但會經常見面食飯，雖然我哋都想鐵馬家族再合作，但很早就知道冇機會，因為大哥（鄭嘉穎）已不在公司。」

他說「阿妹」（唐詩詠）最擔心嘉樂，會給予意見，自己就會尊重對方，由於還在努力中，沒有太多想法，對於詩詠與嘉樂先後離開，對他有影響？子善說：「唔會，冇動搖過，我工作得好開心，好鍾意同幕後同事合作嘅氣氛，所以不會離開。」