AKIRA猛料背景曝光 林志玲望兒子繼承衣鉢代老公追夢

20221204
東網電視
更多新聞短片
世界盃盛事吸引全城熱捧,其中日前日本隊爆冷擊敗西班牙,打入16強,更成為唯一以小組首名出線的亞洲球隊,其中台灣女星林志玲日籍老公AKIRA當然有撐日本隊,更第一時間於社交網發文祝賀。原來AKIRA讀書時期一直都係足球部成員,更曾代表學校到英國參加短期訓練營,但隨訓練強度增加,佢意識到自己技術並非頂尖,故果斷放棄足球員之路,向演藝發展。
而身為廿四孝老婆嘅林志玲,早前就透露兩公婆已商議好會跟足傳統,待兒子1歲時進行抓周儀式,到時會喺物品上放入足球,希望有機會培育兒子成為足球員,完成老公嘅足球夢。近日AKIRA亮相台灣節目時,亦獲主持人送上足球作為抓周禮物,對此AKIRA充滿感謝,但亦表示對兒子嘅將來不設限,唔會強迫兒子成為足球員,只希望佢自由發揮、開心健康成長。