Edan自揭終極黑圖驚現3下巴　廁所取景險令底褲曝光

MIRROR成員Edan（呂爵安）出名冇偶像包袱，近日佢為咗慶祝社交平台踏入第1千個發文，公開終極「黑圖」，一秒由Chok樣變醜態，不但低炒驚現3層下巴，仲露出招牌鼻窿贈興，佢笑言：「啱啱問你哋想我出咩？好多人叫我出Chok，又有好多人叫我出黑圖，唉，好難捉摸啊！所以我決定...一次過滿足晒你哋，Enjoy。角度的重要性，表情的重要性，畀哂上下左右你，原來咁耐先1000個post，唔知2000嗰陣我幾歲呢。」但最搞笑係佢喺廁所自拍，令掛起嘅底褲入鏡，要事後用底褲圖案特效遮住「真．底底」，令隊友Jeremy都忍唔住寸爆：「其實你可以選擇唔係廁所影嘅！」