郭柏妍洗腦魔音 林敏驄大義滅聲

2022年12月05日 00:00
東網電視
更多新聞短片
前晚(3日)舉行的《歡樂滿東華2022》成為全城熱話,無綫咪神李芷晴即製「C家波餅」已夠吸睛,惟最後敗於郭柏妍真情流露的聲色獻藝,先與邵珮詩以「Shake Shake奶」震撼視覺,自稱是「浴室歌手」的她更施展「洗腦魔音」,令觀眾徹夜難眠,就連林敏驄也要「大義滅聲」,揚言要入浴室親自調教!面對全城熱議,郭柏妍說:「大家畀個機會我吖!」
《歡樂滿東華2022》前晚籌得總善款123,988,888元,成功打破去年紀錄,娛樂性更是爆燈,百分百歡樂滿東華!在「凍冰水籌善款」環節中,3位《香港小姐再競選》的冠、亞、季軍何沛珈、李芷晴及陳懿德以運動bra上陣,浸冰水時嗌到「嘩嘩聲」,觀眾亦睇到「嘩嘩聲」,皆因她們凍到夾臂取暖,尤其34C「無綫咪神」李芷晴即場唧出「C家波餅」,同場加映冰粒卡在胸前的「冰粒撞奶」一幕,冰火交融籌得20萬,算是付出有價值!
邵珮詩忘我搖晃
雖然李芷晴為善事無「C」奉獻,但始終不敵郭柏妍的「真材實料」,盡展上天所賜的聲色,除了在兩個表演環節共籌得60萬元善款,更成功令全港網民徹夜討論,功德無量!她先和邵珮詩等玩花式踩板,雖然有點姐手姐腳,但勝在無懼隨時尷尬跌倒,落力跣樓梯或落斜。雖然眾女以包到上頸的背心上陣演出,但天生我「材」難掩「峰」芒,忘我瘋狂晃動,上演「Shake Shake奶」地動山搖的視覺效果。
郭柏妍再下一城,憑劇集《下流上車族》中「芊芊」一角成功入屋的她,孖住飾演其父的林敏驄、文凱婷、何晉樂等獻唱主題曲《一家人》。自封「浴室歌手」的她盡展「一唱入魂」的功力,其魔音全程「來回地獄又折返人間」,最厲害是以一人之力蓋過《聲夢傳奇》出身的文凱婷及何晉樂歌聲,更出現骨牌式甩beat效應,差點令其他人跟不上!
大批網民指郭柏妍的「洗腦魔音」令人徹夜難眠,自動植入腦海揮之不去:「上天給郭柏妍美貌,但奪走佢嘅歌喉」、「昨晚全家睇電視,連我個3歲小朋友都問,做乜芊芊唱到咁嘅?」不過也有網民讚她為慈善勇敢獻聲,指她唱出可愛及純真!而林敏驄更一度「大義滅聲」,網晒一段只刪走郭柏妍歌聲的另類合唱版,但隨後將短片下架。
林敏驄昨日(4日)受訪時笑言「滅聲」是用心良苦:「我係鞭策佢,我都估唔到佢殺傷力咁大,我要調教吓佢,等我打通佢任督二脈,不過佢沖涼時唱歌,我要被迫睇佢沖涼喎!信佢唔會唔開心,咁先好呀!由谷底開始,咁先至每次都有進步呀。(你合唱時忍到笑喎!)喺現場聽唔到佢唱,我諗佢食咗辣辣壽司,啲壽司同佢八字唔夾,先引發到佢啲魔性出嚟啫。(作首歌畀佢一雪前恥?)叫《魔性大發》啦!我係嚴父,教佢不怕跌倒,好似踩板咁!」另外,角逐視帝的他前晚和曾志偉一齊受訪,他稱不懂頒獎禮遊戲規則,故不會拉票,志偉即笑言他可「賄賂」總經理,林敏驄聞言說:「請個高挑Model,你擒上去!」即被志偉連環掌摑。
「畀個機會我」
郭柏妍昨日接受東網訪問時表示:「我一直好畀心機去練習,每分每秒不停咁練,好多謝佢哋一路帶住我唱,希望大家睇得開心。(網民話你係『魔音』?)大家包容吓我,下次一定出200分努力,畀個機會我OK?」至於被指和邵珮詩上演「揈胸」場面,她說只投入跳舞,沒有留意其他部位。