唐詩詠為商場高層慶生 全程傍住翹到實十足女主人

2022年12月05日 14:02
東網電視
更多新聞短片
藝人唐詩詠早前離巢無綫,但人緣甚好嘅佢與昔日戰友關係依然好好,日前佢就與好友黃翠如、蕭正楠、陳自瑤、袁偉豪及張寶兒等人飯敍,仲齊齊為同場嘅男友人慶祝生日,期間見到不論全體大合照,抑或女子組圍住壽星仔嘅合照,唐詩詠都全程企正喺「男主角」身旁,仲翹實對方手臂,似足女主人一樣,令網民好奇單身多時嘅佢係咪終於有着落。據知該名「男主角」Mr. Ma係大型商場嘅市場部經理,經常籌辦公開活動,同好多藝人都相當熟悉,就連韓星Rain、韓國男團GOT7香港成員王嘉爾(Jackson)等都曾同框合照,而佢亦有出席鄭俊弘、洪永城等人嘅婚禮,相信與唐詩詠交情不淺。