陳欣茵泰國電單車暢遊　1日10個行程Chur住玩

無綫藝人陳欣茵日前到泰國的曼谷、芭堤雅旅行，3年沒有旅行的她坦言相當興奮。首次到芭堤雅除了住Resort、曬太陽游水外，她更與友人坐電單車周圍遊覽，笑言5日行程按摩按足5日，不過她指今次行程歎得來都相當Chur。欣茵說：「我哋租咗架電單車自己揸，當然係朋友負責揸啦！試過有一日喺曼谷足足有10個行程，去咗10個唔同嘅地方，真係好誇張，咁啱又撞啱當地有特別節日水燈節，有得放天燈、水燈同煙花，都幾得意。」欣茵又指今次更一嘗穿泰服的滋味：「我覺得啲泰服仲靚過和服同韓服，自己仲學咗幾句泰文，買嘢嗰陣不停講價！」欣茵表示旅行完畢後就要投入工作，返港便要開拍J2節目《舖舖Poker》第3季及《關注關注組》。