李亞鵬愛女正面曝光 海哈金喜忽然撞樣王菲

2022年12月06日 13:01
東網電視
更多新聞短片
內地男星李亞鵬自2013年同天后前妻王菲8年婚姻畫上句號之後,去到2020年再迎娶細19歲海哈金喜為妻,不過二人因疫情影響尚未舉辦婚禮,但已育有囡囡,不過就好好保護小朋友,從未晒出正面相。不過估唔到,近日海哈金喜罕有晒出一家三口旅行相,當中仲大方公開愛女靚樣,五官長相遺傳爸爸李亞鵬。
而海哈金喜當日身穿拼接色針織衫搭淺色牛仔褲,產後半年已極速瘦身,未知係角度問題定係因為戴上墨鏡嘅關係,佢忽然同王菲撞樣,多個角度都畀網友指二人神似,似乎李亞鵬對於女伴嘅外形有特別喜好。