王鶴棣家族炸串店被大媽搗亂 衝突場面被瘋傳

20221206
東網電視
更多新聞短片
內地上位小生王鶴棣憑劇集《蒼蘭訣》爆紅,早前佢就「衣錦還鄉」返回四川老家屋企人開嘅炸串店「棣爸炸串」,引起現場騷動,依家仲做咗粉絲嘅打卡點,但近日網上流出一段佢屋企間舖被一位着白色圍裙嘅中年大媽搗亂,仲大聲吼叫,疑似叫喊「王鶴棣老漢兒欺負人」,並且對住現場人士掉櫈,甚至仲瞓地不起,目擊衝突場面嘅年輕粉絲都唔敢靠近,遠遠舉起手機拍片,而店內員工則陸續將摔倒的椅子恢復原位。有網友謠傳王鶴棣爸爸炸串店打人,亦有人稱係員工之間吵架掉嘢,更有人說店家已經報警處理,但事件已經引發網上熱論,擔心會影響王鶴棣星途。