吳若希否認「數臭」公司：做得開心最緊要

歌手吳若希（Jinny）為宣傳於本月11日假麥花臣舉行的首個香港個唱，日前接受主持人艾力的網上節目訪問時，爆Seed指在無綫工作非為錢：「全世界都知道TVB做嘢冇錢，仲要倒貼！」嚇到艾力也擔心她會被公司「照肺」，但她隨即宣傳其個唱後，又大笑說：「吳若希告別演唱會。」

Jinny接受訪問時否認「數臭」公司：「其實我係講返無綫唔止為錢，做得開心最緊要，同埋我係講歌手做宣傳係靠化妝、整頭，所以先話倒貼，全行都係咁，不過做藝人就唔同，做幾多個騷就多勞多得。」她又謂不怕被「雪藏」，因無綫早知其性格，且知道得公司愛錫，自己亦很努力工作，不過知高層為她改新花名：「叫我做『唔識死』。」至於是否「玩大咗」，她就覺得是「有心人」興風作浪，相信明智嘅人會明白其意思，並謂在無綫12年獲益良多，尤其學識做直播及演戲技巧，又結識了不少良師益友，所以效力無綫是開心事。